kab aate ho.

Kahan chupaa de hai raat tune....

Kahan chupaaye hai tune apne gulaabee haathon ke thande phaahe....

Kahan hai tere labon ke chehre....

Kahan hai tu ,aaj kahan hai..

Ye mere bistar pe kaisa sannataa so raha hai?...

Na aamad kee aahat aur na jaane kee toh miltee hai

Kab aate ho kab jaate ho......

.....Gulzaar sahab

Imli kaa ye ped hawaa mein hilta hai to inton kee deewaar pe parchaaee kaa cheenta padtaa hai...

Aur jazb ho jaataa hai , jaise sookhi mitti par koi paanee ke qatre faink gaya ho..

Dheere dheere aangan mein fir dhoop sisakte rehtee hai...

Kab aate ho kab jaate ho..

Band kamre mein kabhee kabhee jab diye ke lau hil jaati hai to

Ek bada saa saaya mujhko ghoont ghoont peene lagtaa hai

Aankehn mujse door baith kar mujhko dekhtee rehtee hain

Kab aate ho kaab jaate ho

Din mein kitnee baar tum mujhe yaad aate ho....

.....Gulzaar sahab